O alumnado de todos os cursos de Educación Primaria participou nunha saída ás instalacións de Galiocio, para gozar dunha xornada diferente, chea de diversión e convivencia.

Ao chegar, organizámonos en pequenos grupos, identificados por distintas cores de pulseiras, o que nos permitiu distribuírnos e participar de maneira ordenada nas diferentes actividades. Ao longo da mañá, os nenos e nenas puideron explorar e probar todas as instalacións do parque, saltando, xogando, superando retos e desfrutando de cada un dos espazos.

Despois de tanta actividade, chegou o momento de repoñer forzas cunha comida compartida. Para rematar o día, gozamos dun tempo de lecer nunha pista deportiva, onde tivemos a oportunidade de seguir xogando e compartindo momentos cos compañeiros e compañeiras doutros cursos.

Foi unha xornada fantástica na que a diversión, a convivencia e o compañeirismo foron os grandes protagonistas.

Un día para xogar, rir e crear recordos que quedarán con nós! 💙❤️